17.05.2022
177
![](/uploads/shorttexts/author_image/45c48cce2e2d7fbdea1afc51c7c6ad26.jpg)
Ай көрдім...
Ай көрдім,
Аман көрдім бұл айды да,
Қарғамай қасқаны да, құдайды да.
Күндерің ұқсамаса шырайлыға
Тұндырған тұма суы лайлы ма?!
Қатыны ортекедей ойқастаған,
Ақыны орамсыздау ой бастаған.
Заман-ай, әнгүдік таз той бастаған,
Заман-ай, қотыр серкеш қой бастаған.
Сарқырап бұрқамайды құздан ағын,
Жарқырап шырқамайды қыздар әнін.
Құзырға иілмейді қалталылар
Қызылға шүйілмейді мұзбалағым.
Кез келді қоңсы қонар,
Келші, арманым,
Жүрегім жылағалы —
Дел-сал жаным.
Сарғайып сары белден таң атқанда
Сары желісті құлаға ер салмадым.
Қасірет — косылғаны сорға қайғы,
Қазанат шідерімен жорғалайды.
...Самсаған жұлдыз көрдім сүмбіледе
Ай көрдім, Аман көрдім толған Айды..