Ақын өлеңдері жинағы ✍️

Біздің бастан өткен тағдыр не түрлі,
Үзілерде жiбiн жалғап үміттің.
Атажұртын сағынатын ceкiлдi
Анадолы анасындай түріктің.
Тереңдегі тамырыңның бipi едім.
Баянды күн басымдағы бақ деңіз.
Түріктердің тербетеді тілегін —
Қара теңіз,
Мәрмәр теңіз,
Ақ теңіз.
Шынарыңның шың басында шырқауы,
Жолдарымыз бастағанда жоғары.
Көкжал мінез көк түріктің ұрпағы —
Түбі бірлер түбінде бір болады.
Беу, Түркі елі,
Арайлы алтын күнім ең,
Ертегім де
Ертеңім де — Елдігім,
...Көкбөрінің талып жеткен үнінен —
Рухымды іздеп келдім мен бүгін