Ақын өлеңдері жинағы ✍️

Көңілімнің тілейді хошы нені,
Керуендей күндердің көші есімде.
Арман болған Алматы осы ма еді
Көліктері кептелген көшесінде.
Аламанның алдында таң асқалы,
Көңілімде көгерген үміт-көктем.
Әппақ дүние ішінде адасқалы
Сағынышым сағымға сіңіп кеткен.
Күндерімнің көзінен көрем арай,
Тағдыр нені маңдайға бұйыртады.
«Қарашада өмір тұр...» – деген Абай
Қарашада қар жауды биыл тағы ..