16.05.2022
104
![](/uploads/shorttexts/author_image/45c48cce2e2d7fbdea1afc51c7c6ad26.jpg)
Бір-ақ өлең...
Аласа да емеспін,
биік емен,
Көңілімнің сырластым күйіменен.
Белден асып барады бебеу қағып
Көз ұшында жүгірген киік-өлең.
Киік-өлең қағынан безінгесін,
Бебеу қағып,
бел асып,
безілдесін.
Ел көшкен соң елсізде елеңдеген –
Елік – жырдың, дүние, көзіндесің.
Жамылыпты жалған-ай, Көктөбе гүл,
Көктем туа кетеді көктеп өңір.
Қараңғы мен жарықтың арасында –
Зу-зу еткен бұл өзі неткен өмір?...
Ілияс-жыр киесі – Құлагер ең,
Мұқаңдардың мұңына мұрагер ем.
...Ақ құсымды қондырар айдыныма
Сан сауалдың жауабы – бір-ақ өлең...