Шаганэ, сен мендиксиң, Шаганэ!
Шаганэ, сен мендиксиң, Шаганэ!
Негедир болгондонбу мен түндүктөн,
Менин сага айтарым - мейкин талаа
Тармал баш кара буудай анда өскөн.
Шаганэ, сен мендиксиң, Шаганэ!
Негедир болгондонбу мен түндүктөн,
Ал жакта жүз эсе чоң асманда ай.
Канчалык кооз болсун мейли Шираз
Боло албайт жайык түзү Рязандай
Негедир болгондонбу мен түндүктөн.
Менин сага айтаарым - мейкин талаа,
Мен алгамын буудайдан ушул чачты.
Ороп алгын кааласаң бармагыңа
Туруп берем ирмебей кирпик, кашты.
Менин сага айтаарым - мейкин талаа.
Тармал баш айдыңда өскөн буудайларды,
Таанып ал чачтарыма окшоштуруп.
Жылмайып айтсаң болот тамаша сөз
Алысты эске салбай жоктоттуруп.
Тармал баш буудайларды айдыңда өскөн...
Шаганэ, сен мендиксиң, Шаганэ!
Түндүктө бирөө жашайт чыккан айдай,
Ал сага тамчы суудай өтө окшош
Жүргөндүр эстеп мени унута албай.
Шаганэ, сен мендиксиң, Шаганэ!