Ақын өлеңдері жинағы ✍️

Ай, жылдар ташын тизип тагдырыма,
Артынып ала кетет кайгыны да...
Армандуу күн батырсам үмүт артмай
Агарып атар таңдын кайрымына.
Кетсе да кечээкиден караан калбай,
Күтүүдөн эңсөө кайра жаралгандай.
Алыста дүлөй түндүн тынчын алып
Адашып мени издеген аян бардай.
Түйшөлүп тилек кылсам эмдигиче,
О Теңир күмөн кылбайм кеңдигине...
Ансыз да өмүр кыска, кеч болсо да
Кезиктир жылдыздуу саат-мезгилиңе!