16.05.2022
120
Үмүттөр
Үмүттөр үмүттү жаратат,
Үмүттүү кеч кирип, таң атат.
Биз жашап өтө элек күндөргө
Үмүттөр жасашат саякат.
Үмүттөр жүрөктө уялап,
Үмүттөр үмүткө уланат.
Биз жетпей келаткан бакытка
Үмүттөр жетишет кубалап.
Үмүттөр - эртеңки кубануу.
Үмүттөр - Теңирден сурануу.
Үмүттөр үзбөсө караанын
Өмүргө өмүр бар улануу!
Үмүттөр замирбек иманалиев қырғыз өлеңдері қырғызша өлеңдер кыргызча ырлар замирбек иманалиев ырлары