Ақын өлеңдері жинағы ✍️

Түнгі станциялар
Пойыздың қарсы алады барлығын да,
Оның кім үңіліпті тағдырына?
Шамдары жылтылдайды,
Ал оның пойыз күтіп,
Жүрегі бір тынбайды.
Түнгі станциялар
Айқай салып қалатындай,
Бейне бір өткен күнді
Қайтаруға болатындай.
Түнгі станциялар
«Тоқта!» – деп пойыздардың
Соңынан айқайлайды.
Бірақ, бірақ
Өткенді ешбір күшің қайтармайды.
Тек шырақтар
Каренина көзіндей жаутаңдайды...