Ақын өлеңдері жинағы ✍️

Қансонарда, аппақ қар, таңда мына
Суыт кеттің қарамай жан-жағыңа.
Тілегенге сұраған дегендей-ақ,
Жолығыпсың көкжалдың арланына.
Деп жатыр ол,
Әл бермес қайратты едік.
Деп жатыр ол,
Өлімді ойлап па едік.
Өлген бастың көзі де от шашады,
Ақситады азуын айбат шегіп.
Амалым жоқ,
Аңшылық шын ұнаса,
Ерлік емес, сүйіктім,
Мұның аса.
Бұл таулардан енді кім
Сескенеді,
Бөктерінде Көк бөрі ұлымаса?!