Ақын өлеңдері жинағы ✍️

Ұлтымның мәртебесін биіктеттің,
Ұрпаққа Ана тілін сүйікті еттің.
Байтақ елді тербеткен жырыңменен
Қас қағымда қалайша қиып кеттің?
Тірліктің сан сауалын үйіп-төктің,
Жауабын тұмардайын түйіп кеттің.
Жыр-жұбаныш іздеген жүректердің
Үміт жібін қалайша қиып кеттің?
Қазынаға қанша ақыл құйып кеттің,
Жырдан жақұт сөреде жиып кеттің.
Поэзия туының бір шыңы едің,
Бір құлаш жерге қалай сыйып кеттің?!
Аға?..