Ақын өлеңдері жинағы ✍️

Тым ауыр қазағыма нарық бүгін,
Келмейтін сездіргісі арықтығын.
Өздері жем болады саудагерге,
Біреуді алдап көрмеген жарықтығың.
Арада жүргендер аз жайраң қағып,
Қария бүгілуде ойдан налып.
Қазақтың әйелдері сатады арақ
Бір кезде сен жырлаған қайран қалып.
Иманшыл намаз оқып күбірлейді,
Төбеде нарық-қожа дүрілдейді.
Даламның самал сүйген қыз бен гүлі
Қолында саудагердің дірілдейді.