Ақын өлеңдері жинағы ✍️

Марқұм анам аян берді түсімде,
Жүрмін дейді кіл жақсының ішінде.
Тек сен емес анасынан айырылған,
Жанарыңа мұң-көлеңке түсірме.
Бұл жақта да жұмақтағы гүл әсем,
Бірақ оны әзір көрмей шыда сен.
Тойынғандар жақсылықты білмейді,
Өмір жайлы кедейлерден сұра сен.
Ақ кебіндей аппақ жеңіл үй деген,
Періштелер зулайды ақ күймемен.
Ақылдыны байқамадым жұмаққа
Жерлеспіз деп ақымағын сүйреген.
Жұмақта ешкім арыз жазу білмейді,
Жақында тек бір әңгіме гулейді.
Тамұқ жаққа келген екен парақор,
Бір депутат соны ақтап жүр дейді.
О, тоба!
Ақша беріп өтпекші екен жұмаққа,
Ал бұл жақта доллар деген жүрмейді.