16.05.2022
  114


Автор: Ақұштап Бақтыгереева‎

Кеттің сен үлгі еттің де ғұмырыңды...

Кеттің сен үлгі еттің де ғұмырыңды,
Кестім мен сен тараған бұрымымды.
Енді, апа, көрмегенің дұрыс шығар
Мына өмір шаршатқанын құлыныңды.
Аналық мейіріммен аса құнды
Кестелеп тастап кеттің жасауымды.
Енді, апа, көрмегенің дұрыс шығар
Ауыздық, жүген киген асауыңды.
Қайтейін, жақсы еді ғой өлмегенің,
Еркеңді еш адамға тең демеуің.
Дегенмен жеңіл сенің жүрегіңе
Қызыңның жуас кезін көрмегенің.





Пікір жазу