Ақын өлеңдері жинағы ✍️

Оңай деп пе едің, қанатым,
Ойлардан жүдеп, қажалу?!
Ұрпаққа мұра болатын
Өшпейтін жолдар жаза алу.
Қасқая қарау тағдырға,
Қатерден, сыннан қорықпай.
Не күтіп тұрса алдымда,
Өте алмау оған жолықпай.
Домбыра тартып тойларда,
Бесікті тербеп ойлану.
Әйелдің жүгін қойғанда,
Ақынға қайта айналу.
Көміліп ойға дір етпей,
Өшпейтін жолдар таба алу.
Қайтадан сүйген жүрекке
Махаббат болып оралу.