Ақын өлеңдері жинағы ✍️

Маңғыстау деген – маң дала,
Теңізге төнген сән қала.
Мұнайлы биік мұнара,
Алдыңнан өткен аруана.
Маңғыстау деген – толғаныс,
Ұйқыда жатқан жолбарыс.
Шөлдеген дала, өкініш,
Кеудеңді керген ар-намыс.
Маңғыстау – ойпат, тау, жыра,
Әсем ән, сазды домбыра.
Ұрпаққа келер ертеңгі
Несібе болар мол мұра.
Маңғыстау деген – сан оттар,
Карьер, мазар, заводтар.
Бабалар Дала – музейге
Жинаған экспонаттар.