Ақын өлеңдері жинағы ✍️

Білгің келіп мен жайлы алаңдапсың,
Шежіреден іздепсің, таба алмапсың.
Жиырмасыншы ғасырда өмір сүрдім,
Көп балалы анаға замандаспын.
Әже көрдім қас-кірпік боямаған,
Батыр көрдім қас жауын аямаған.
Азаматын жар көрдім қастерлеген
Алған жарын ер көрдім аялаған.
Құрметіне бөленіп мына жұрттың,
Арасында жүретін құдалықтың,
Кемпір-шалды көрдім мен білмейтұғын
Не екенін некелік куәліктің.