Ақын өлеңдері жинағы ✍️

Бір реніш – айналаң бос көрінді,
Өткізгендей боласың босқа өмірді.
О, адамдар, барлығын біле тұра,
Қалдырамыз қапыда дос көңілді.
Бір реніш азапқа салар тағы,
Әжім болып маңдайда қалар табы.
Бір реніш адамды шаршатады,
Бір шашыңды мезгілсіз ағартады.
Жүзіп кетсең ашудың кемесіне,
Мейірімнің қалмайды-ау елесі де.
...Аянышты-ау, шынында, жүрек түгіл,
Балта тиген қайыңның денесі де.