meta charset="utf-8"> Қазақша портал

  15.05.2022
  156


Автор: Ақұштап Бақтыгереева‎

Кім болып ендім түсіңе?

Кім болып ендім түсіңе?
Төгілген қолаң шашпын ба,
Майысқан балғын жаспын ба,
Арман-ән Қаламқаспын ба,
Күнікей ме екем әлде мен
Отырған Күннің астында,
Ақ бетін жуып тасқынға?
Кім болып ендім түсіңе?
Мүсіндей малған алтынға
Найзағай отты жарқылға
Тұр ме екем даяр балқуға?
Жоқ, жаным, мені тек қана
Көргейсің осы қалпымда,
Сүйгейсің осы қалпымда!





Пікір жазу