Ақын өлеңдері жинағы ✍️

Жамылған сұлу шыңның шарқаты бұлт,
Бұрымы бұлақ болған тарқатылып.
Кербезге күн қызуы өтпесін деп,
Қойғандай төбесіне қар қатырып.
Қырандар ұялаған биігіне,
Жеткізбес сәйгүлікке киігі де.
Қойнауы көз жетпейтін жасыл жайлау
Ұқсайды дарқан елдің пейіліне.
Жеті өзен жеті қырдан асқанда әрі,
Таулардың гүл жамылып тасты аңғары.
Жатыр-ау бөктерлерде жұмбақ болып
Бабамның жазбай кеткен дастандары.