Ақын өлеңдері жинағы ✍️

Көгершін жыр - көк қанат көктемдерім,
Тебіренбей сендерді өткермедім.
Көктем сайын көңілге мұң ұялап,
Көктем сайын қайтадан көктеудемін.
Көктеудемін,
Ағыл-тегіл қар басқан беткейлерім.
Шабытымды тағы да шалқытып жүр
Көбелектер, көк жасыл кептерлерің.
Көзімді арбап құлпырған көк белдерің,
Буыныпты көкжиек көк белбеуін.
Қызыл-жасыл дүние,
Сан құбылған
Көбелекке айналып кеткен бе едің?!
Маужыратып денемді күншуағың
Түндерімде тағы да тыншымадым.
Мені тағы мас қып жүр, көкірегіме
Қонақтап ап кішкентай жыршыларың.