Ақын өлеңдері жинағы ✍️

Қаламының желі бар,
Ойдың асыл кені бар.
Қысылғанда демейтін
Жалпақ жатқан елі бар.
Содан кейін...
Бизнесі,
Мың гектардай жері бар.
Әміредей серінің
Осы бүгін айрықша
Шырқайтұғын жөні бар.
Шырқап салар әні бар,
Салтанаты, сәні бар.
Әбекеңдер Алпамыс
Болса өзіне лайықты
Гүлбаршындай жары бар.
Ең бастысы, ауылда
Ағасына мыңғыртып
Қосып қойған малы бар,
Тағысыны тағы бар.
Бәрін айт та бірін айт,
Әміредей құрдастың
Маңдайының бағы бар.
Құтты болсын, Әбеке,
Ердің жасы елуің.
Ойын-тоймен осылай
Өтсін деймін өмірің.
Шарықтатып қашанда
Шабытыңның асауын,
Енді осындай елудің
Тағы бірін жасағынІ