Ақын өлеңдері жинағы ✍️

Көп уақыт өтті-ау, көрмедім сені,
Өтіпті-ау жылжып қаншама айлар.
Жазады дейтін қайда уақыт емі,
Мені әлі күнге қинайды ойлар.
Болып та жатыр сан қызық тойлар,
Өмір де өтіп барады, құрбым.
Мен жүрмін әлі аяқтай алмай
Баяғы сол бір жаралы жырды.
Бақытын тағдыр қимаса маған
Бұл үшін сені кінәлап қайтем?
Бірде үміт, бірде ұйтқыған боран,
Гүл өмір маған сол үшін көркем.