Ақын өлеңдері жинағы ✍️

Ғайыптан келген бақыттан Із қалады, болғаны,
Ғайыптан келген қайғыдан Сыз қалады, болғаны.
Алғашқысы – өмірде болмайды көп баянды,
Ал, соңғысы – көңілде көп жасайды аялды.
Бақыт келсе ұқсап қал аз да болса сəндіге,
Қайғы келсе мұздақтар тайғанатар мəңгіге.
Бақыт деген бостау ғой жаншылатын деп -демде,
Қайғы деген қатты ғой көп қинайтын кеткенше.
Баяны жоқ бақыттың өкінтері көп болар,
Аялы көп қайғының қасіреті шоқ болар...
Құстай ұшып кетеді – құстай ұшып келген бақ,
Аяқ асты қайғы да ала қоймас төрден тақ!
Өткіншінің зардабы өткінші ғой дегенмен,
Мұнда сұмдық тылсым бар босатпайтын көгеннен:
Ғайыптан келген бақытты алақайлап қарсы алма,
Ғайыптан келер қайғы тұр «асықпа...» деп арқаңда!..