Ақын өлеңдері жинағы ✍️

Сізден хабар үзілді...
Кеше көктем тарту еткен
Үмітімді күз ілді.
Өзіңізсіз өтіп жатқан
Сәтті санап тамшылар
Кірпігіме тізілді.
Мөлдір-мөлдір сағынышым
Жанарымнан сырғанап,
Сүйіп жатыр
Сіз сүйетін жүзімді.
Бәрі бекер екен тек...
«Аңсарыма-ау, саған қарай
Құс боп ұшып жетем» деп,
Серт беріп ап,
Жоқ болдыңыз...
Есіміңіз ғана қалды
Жүрегімде мекендеп.