Ақын өлеңдері жинағы ✍️

Неліктен, неге осылай мені жаратты?
Ұшайын десем, құс емес екем қанатты...
Не алып келдім, кім болып келдім өмірге?
Не алып кетем қабірге?
Не тастап кетем соңыма?
Өзекті осы ой өртеген...
Ұстатты қалам қолыма,
Емім де өлең, дерт өлең!
Ұстазым өлең, арылтшы мені өкпемнен!!!
Мүсіркеп қара мүлт басып кеткен іздерге...
Үйренерім бар ғұмырдың басы - көктемнен,
Үйренерім бар...күзден де.
Өмірдің мәні...ол мүмкін,
Өмірдің мәнін іздеуде.