Ақын өлеңдері жинағы ✍️

Түсімде сізді көрдім...
Бұл қажет сезім бе еді?
Тағдырдың бір-ақ сәттте
Осылай шешілгені...
Сыйы ма, мазағы ма –
Жарқырап көз алдыма
Толқыған Жайық келді.
Өмірім қайық па еді?
Расында Жайықпысыз,
Кімге өзі лайықтысыз?
Көргенім, сезгеніме
Сіз ғана айыптысыз!
Көргенім, сезгеніме
Сіз ғана айыптысыз...
Көзіңнің шуағымын,
Атыңның бір әрібін
Білместен сүйгеніме
Мен ғана кінәлімін.
Ғашықтық – сезім бе еді
Қиялдан жасалатын?
О, менің түсімдегі
Бейтаныс махаббатым!