Ақын өлеңдері жинағы ✍️

Ай көзінен діріл-діріл жас тамды.
Неткен ұзақ, мағынасыз отырыс?
Мен өмірге гүл боп көзімді ашқам-ды,
Нәзік сабақ, нұрлы жанар, хош иіс.
Бөлтіріктей жалғыз қалған түздегі
Енді, міне, телміремін сары Айға.
Жапырақ қып жібердіңіз Сіз мені...
Жасыл түсі көрікті, жұпары жоқ алайда.
Аймен бірге сыңсудамын аулақта,
Маған, сірә, жолықпайсыз енді Сіз.
Тағдыр солай айналдырды қаңбаққа
Ұшар желі белгілі, қонар сайы белгісіз...