Ақын өлеңдері жинағы ✍️

Керегі қанша көп ойдың,
Өкінтіп кетсе өгей мұң.
Көңілім сүйген қарағым
Түсінбей кетті демеймін.
Өкпе артып қайтем сол жанға,
Өкпелеп өмір болған ба?
Бұл жақта мен де шерменде,
Ол жақта ол да арманда.
Сеземін мұңның белгісін,
Оның да ойлар жейді ішін.
Жақынын жалғыз жатсынып
Оған да оңай деймісің…
Жүзіне қонып қаяу-мұң,
Шаршады-ау менің аяулым.
Ашиды жаным сені ойлап,
Өзімді және аяймын…