Ақын өлеңдері жинағы ✍️

Жылытты мені жаны оның,
Көңлінің көркем бояуы.
Жүрекке ізгі дән егіп
Алақанымен аялы…
Құла дүз еді көңілім,
Тағдырдың желі шаңдатқан.
Өгейсіткен соң өмірім
Жәрдем күтпеп пе ем қаңбақтан…
Ол келді…
Көктем бірге енді,
Бүлк етті солған жүрек те.
Көз көрмей, тілім күрмелді
Шыққан адамдай түнектен.
Сол менің соңғы көргенім,
Бақыттан басым айналып.
Дариға-ай, сонда өлмедім,
Әкеттің, тағдыр, қайда алып?!