Ақын өлеңдері жинағы ✍️

Өмірдің мәні қайда деп,
Басымды соқтым сан тауға
Көрінген алдан сол ма деп
Сағымды қудым айғайлап…
Махаббат қой деп сүйдім көп,
Жүрегім бітті өртеніп –
Арбаған сол бір қылығың жоқ,
Қараймын бүгін жиіркеніп.
Дүние менен бос қызық,
Қумадым сені әу бастан.
Хайуанша ғұмыр кешкізіп,
Қиямет күні зарлатқан.
Достықтан таптым көп сенім,
Жаныма жылу дарып, рас,
Әйткенмен қайғы шекпенін
Өзгеге артуға қаным қас.
Қайғым бар таудай, қап-қара,
Қан-қан да болған жүрегім.
Ескендір енбес қақпадан
Өтер күн келер…
Білемін…