Ақын өлеңдері жинағы ✍️

Маған сенің әр қылығың тым жақын,
Сен гүлмісің?
Мен жел болам, ырғатыл.
Күздің суық түндерінен тоңғанда
Ытқып шыққан
Жасыңды алам құрғатып.
Естімесем сағынамын даусыңды,
Тұманнан ба,
Мұнардан ба?.. Ай сұрғылт.
Бауырыма басам сені, балапан,
Ал біздерді қараңғы түн қаусырды.
Сендей адам қайдан табам жаны гүл?
Жылатсаң да ұнатамын бәрібір.
Мен өмірді жақсы көрем,
Сонан соң,
Мен өзіңді сүйемін ғой, жарығым.