Ақын өлеңдері жинағы ✍️

Беу, қарағым,
Қырық батпан қайғыңды арқаладым.
Мен әнімнің асылын саған қиғам,
Сен өзгенің жыр еттің кәусар әнін.
Өкпелемен, әрине, өкпелемен,
Қызғаныштың күйігін шеккен емен.
Адал туған жырым мен сырларымды
Ақы-пұлсыз өзіңе текке берем.
Жырларымды жатсынба, қабылдап ал,
Сорың болар, білмеймін, бағың болар.
Жаңа жырым - сарыауыз балапаным,
Басынан сипамасаң жазым болар...
Беу, қарағым,
Атыңды Алла атындай қайталадым.
Алматының арылмас бұлты сынды
Қиялымнан сен-дағы тарқамадың...