Ақын өлеңдері жинағы ✍️

Кездеспеймiз екеумiз. Өтедi күн.
Менсiз қалай жүрсiң сен, Жеке Гүлiм?!
Аз күнде арманыма айналып ең,
Сағым болып несiне көтерiлдiң?
Сағым болып кеттiң де сағындырдың,
Көз жасына шомылдым жауын-жырдың.
Жаныма маза бермей тарта берер
Өзiңде бiр құдiрет барын бiлдiм.
Сонда да кездеспедiк. Ай өтедi.
Сағымның жел тартқылап шәйi етегiн,
Өзiңдi сағынғаннан өлең жазам -
Мендегi сағыныштың бар өтеуi.
Осылай өтер ендi қанша уақыт,
Бiлмеймiн, соғар қашан таң сағаты?
Сенi ойламай қайтемiн жүрегiмде
Мәңгiлiк сенiң бейнең қалса жатып.
Кездеспедiк екеумiз. Өтедi күн.
Мен қазiр Мұңлық-Зарлық мекенiмiн.
Ақылыма сыймайды, осы күнi
Сенсiз қалай жүр екем, Жеке Гүлiм...