Ақын өлеңдері жинағы ✍️

Қоштасу қолын бергенде,
Қимастық нəзік сезіммен.
Аттандыра келгенде,
Сырыңды ұқтым көзіңнен.
Сен шектің сапар жыраққа,
Арманды қуып, сəулешім.
Мен қалдым күтіп бірақ та,
Жастықтың шегіп əуресін.
Дамылсыз бұлғап қолымды,
Қарадым ұзақ көз алмай.
Тіледім сенің жолыңды,
Құлазып көңіл төзе алмай.
Ол мезгіл қоңыр күз еді,
Тырналар қайтқан тыраулап,
Жылыстап ай-күн тізбегі,
Қыс өтті сырғып, жыл аунап.
Көктемде құстар келгенде,
Түстікке қарап əн салдым.
Сағыныш толқып кеудемде
Аңсадым сені аңсадым
Аңсадым сені аңсадым.