Ақын өлеңдері жинағы ✍️

Топтерек саяңа кеп ойнаушы едім,
Балалық қызығыңа тоймаушы едім.
Бəйтерек сені ешкім қозғалтпас деп,
Басқаша балалықпен ойлаушы едім.
Өзің жоқ атың қалды ауылымда,
Сен өскен қоңыр дөңнің бауырында.
Еске алып келген сайын орныңа,
Кездесіп қайтам ылғи ауыр мұңға.
Білмеппін балалықтың базарында,
Сен шеккен өткен өмір азабында.
Топтерек, сені қайтып ұмытайын,
Мəуелеп тұрсың менің назарымда.
Уа, қайран топтерегім, топтерегім,
Ауылымның қорғаны да, орманы да.
Тек сен едің.