Ақын өлеңдері жинағы ✍️

Дүние алғаш ашқанда,
Сəбиге өмір есігін.
Əлди əнмен тербетер,
Ана өмір бесігін.
Ырымменен қойылар,
Сəби өмір есімі.
Аналық тілек ақ тілек,
Алладан ғой шешімі.
Атыңды қойдық Нұрғиса,
Əнші-күйші болсын деп.
Қазақтың киелі өнері,
Саған да келіп қонсын деп.
Алматыда тудың сен,
Əн мен жырдың мекені.
Мұқағали, Шəмшілер,
Нұрғиса жүрген кешегі.
Сен туған күн тамаша,
Жайма шуақ көктем күн.
«Нұрғиса» атты күй кеші,
Алматыда өткен күн.
Кіндік қаның тамған жер,
Үшқоңыр бау-бақ ну мына.
Кіндік кірің жуылған,
Үшқоңыр қасқа суына.
Самғап ұшсын қырандай,
Алатаудың түлегі.
Қабыл болсын Аллаға,
Ата-ана ақ тілегі. Əумин.