Ақын өлеңдері жинағы ✍️

Жаһандану жалғыз батыр жалаңаш,
Кел дейді жақын қоян-қолтық аралас.
Оның қамы ұрпақта емес құрсақта,
Əке менен шешеге де қарамас.
Жаһандану жақындаса жағаға,
Қалмас егер сақтануға шара да.
Деп ойлайсың кейде осы тайталас,
Уақыттың ерте-кеші ғана ма.
Қарсы жүзіп жаһандану заманға
Ұлт рухын еге алмасаң балаңа.
Шыдам бермес толқынымен ықтырып,
Қайығыңды қайрандатар жағаға.
Тып-тыныш боп көрінгенмен заманың,
Жүріп жатыр соғыстары сананың.
Жүрегіңді қорғамасаң иманмен,
Қорғануға болмас басқа шарада