Ақын өлеңдері жинағы ✍️

«Қаланың қара қайыңы»,
Темірменен торланған.
«Ит саруға» айналып,
Ақ қайың солай сорланған.
Құдайдың берген ақ тəнін,
Көтере алмай жастықпен,
Жаңылып түсті ол торға.
Еліктірген мастықпен,
Қаланың қара түтіні,
Тұншықтырды қайыңды.
Қаланың уы бойына,
Бірте-бірте жайылды.
Ақ қайыңды сұлуды,
Сүйкенбей еркек өткен бе?
Қу нəпсі құрғыр осылай,
Түбіңе сенің жеткен бе?
Жастығы менен ақтығы,
Кірмей ме екен есіне.
Ақ тəні қара болған соң,
Лақтырды қала шетіне.