Ақын өлеңдері жинағы ✍️

Мен менсіген жандарға,
Іштей мен де егесем.
Сен айтқандай мен рас,
Шалымды жан емес ем.
Жаза алмай жүрмін жақсы өлең,
Жалт қаратар əлемді.
Ит жеп кеткен секілді,
Меніңдағы дəмемді.
Өнер болған өлеңде,
Жарып бағы маңдайда.
Жаратқан өлең тықыршып,
Таң асқан талай таңдайда.
Бəйгеге қосса үкілеп,
Қазының кері санауы.
Бəйгеден озып келсе де,
Қанап қайтқан танауы.
Бап шаппайды бұл күнде,
Бақ шабады бапталмай.
Еңбегі еш кетеді,
Бапкердің де ақталмай.
Бақ сұрағыш боп кеттік,
Байланысты жағалап.
Шындық күйіп жанады,
Қаралық жанын жаралап.