13.05.2022
154
![](/uploads/shorttexts/author_image/2022-05-14-15-37-08.png)
Өмір биі
Бұл өмірді жан-тəнімен сүйгендер,
Биле адамдар той кешінде билеңдер.
Өмір деген күнде ойын, той емес,
Таусылмайды тіршілікте күйбеңдер.
Жас-кəрінің ұқсамайды биі де,
Жас-кəрінің ұқсамайды күйі де,
Жас қыз-жігіт таң атырса би-билеп,
Қарттар қайтар демалуға үйіне.
Қалмасын деп сезім іште тұншығып,
Билеп жатыр қыз-жігіттер құлшынып.
Өмір биін билеп жатыр əне олар,
Жалғасады соларменен тіршілік.