Ақын өлеңдері жинағы ✍️

Жақсылық, адалдыққа серік болып,
Қасиеті тіл-көзден берік болып.
«Адыраспан» деген шөп өсетұғын,
Адырлардың төсіне көрік болып.
«Қасиетіңнен айналдық адыраспан,
Сізді бізге жіберген тәңір-аспан»,-
Деп өлеңге қосушы-ек теріп жатып,
Бір топ қыздар көңілі жадырасқан.
Аналардан қалдырған өсиет деп,
Адыраспан жинаушы-ек қасиеттеп.
Алма жүздер албырап қайтушы едік
Күндей болып құлаған көкжиекке