Ақын өлеңдері жинағы ✍️

Күнге ұмтылып күлімдеп,
Қызыл герань тұр гүлдеп.
Нәзік, әсем күлтесі
Ескен желмен дірілдеп.
Қыстай үйде гүлдеді,
Сезімімді үрледі.
Шығарып ем аулаға,
Жатырқауды білмеді.
Ауланы алып жамырап,
Қою жасыл жапырақ,
Тез өсер, күй талғамай,
Гүлге оранып атырап.
Қыста өсірсең, үй жайлы,
Тыныш өмір сыйлайды.
Ал, көктемде шығарсаң,
Гүлі аулаңа сыймайды.
Мазасыздау өмірде,
Шуақ берген көңілге.
«Сабыргүл»,- деп атадым,
Гераньді иіскеп жеңілдеп.