Ақын өлеңдері жинағы ✍️

Тұңғыш рет күлді бүгін немерем!
Бұл шаттықты қай қызыққа теңер ем.
Жолбарысхан күлсе,
Әлем күлгендей.
Жаратқан-ау сүйіншіге не берем?!
Тұңғыш рет күлді бүгін ұланым,
Шарықтады көкке көңіл қыраным.
Жолбарысхан күлсе,
Әлем күлгендей.
Жалғастырып бақытымның бұлағын.
Қуанышқа бөлеп туған-туысын,
Тасытқандай от басының ырысын
Жолбарысхан күлді...
...Бөпем күліп өс.
Қазақ деген азат елдің ұлысың.