13.05.2022
150
Райгүлім ана болғанда
Қызым сен де ана болдың, анаңдай
Құшағыңа қысып тәтті балаңды
Емізесің мейіріңді салып кеп,
Ұсынғандай теңдесі жоқ тағамды.
Толықтырған бақытымның арнасын,
Сенің ұлың – менің өмір жалғасым.
Ержеткенде оттың басын күзетпей,
Ел-жұрты мен Отаныңды қорғасын.
Бір атадан жалғыз едім, тарықтым
Әр перзентін тілеп алған ғаріппін.
Сенің ұлың – ағайынды жоқтамай,
Жоғын жоқтап жүрсе екен халықтың.
Қызым, сен де Ана болдың мен құсап,
Ағайынға көрсете бер кең құшақ.
Ұлтың өссін әлемдегі елге ұқсап,
Ұлың өссін ұлтын қорғар ерге ұқсап.