Ақын өлеңдері жинағы ✍️

Үйемелі-сүйемелі екеуің,
Мен шықпаған биіктердің өтеуі.
Сен екеуің арқылы –
Бүтінделген өмірімнің кетеуі.
Сендер сүйреп арманымның арбасын,
Күндер – айға, ай – жылдарға жалғасып.
Сен екеуің жүрдіңдер –
Думандатып Досжановтың ордасын.
Сендерменен отбасының бақытын
Қызықтадым, менің екі жақұтым.
Сен екеуің арқылы –
Анашыңның өсіп жатты хақы тым.
Үйемелі-сүйемелі талдарым,
Сендер менің сүйенішім, қорғаным.
Сен екеуің жүретін
Ұзақ болсын, даңғыл болсын жолдарың.