Ақын өлеңдері жинағы ✍️

Түсімде көрдім,
Жеткендей қолым айға анық.
Жаныңда жүрмін, бақыттан басым айналып.
Жаныңда жүрмін, сөзбенен айтып жеткізбес
Таңғажайып, тәтті бір сезім бойды алып.
Түсімде көрдім,
Жаным-ау шын ба, жалған ба?
Жаратқан жомарт жеткізіп сол сәт арманға.
Ұшып барамыз, белгісіз жаққа бұлтты асып,
Мінгесіп алып қос қанаты бар тарланға.
Оянып кеттім,
Тәтті түс сол сәт кетті еріп,
Көзімнен ұшты жаңағы бақыт кептерім.
Жыладым үнсіз, жас болып еріп арманым,
Кеудеме қатты өмірлік тас боп кептеліп.