Ақын өлеңдері жинағы ✍️

Сөздерімен жон арқадан таспа алар,
Сен жайында не демеді басқалар.
Көргендей боп сенен бақыт шырағын,
Естімеді құлағым.
Сөздерімен мақтаменен бауыздар,
Сен жайында сайрады керауыздар.
Кездіктей боп жаттың қынның түбінде
Естімедім бірін де.
Сөзімен де, ісімен де сендіріп,
Сен жайында не айтпады төндіріп.
Сыңарым деп, өзіңді іздеп шарқ ұрдым.
Магниттей тартылдым.
Тоқтатпады «тарихың» да бұрынғы...
Түсінбеді ешкім осы сырымды,
Бірін-бірі іздеп жүрген екеуміз,
Шындығында егіз екенбіз