Ақын өлеңдері жинағы ✍️

Ашу келіп қалды ма,
Шықпа менің алдыма!
Орып түсер ойран сап,
Арандарсың шалғыма.
Шақпақтанып жанарым,
Қасқырындай даланың.
Қарсы келген адамды,
Талапайға саламын.
Анда-санда шырағым,
Борандатып тұрамын.
Өткізіп ап құйынды,
Керегіңді сұрағын.
Не десең де қош көріп,
Жүре алмаймын көшке еріп.
Өмірде өз жолым бар,
Отырарсың ескеріп.
Тұнық болса көңілім,
Тыныш болса өмірім
Тырысамын ақтауға
Жардың адал сенімін.