Ақын өлеңдері жинағы ✍️

Жүрегімнің түпкірінде жүретін,
Бір сыр болды, өзім ғана білетін.
Анда-санда көріп қалған мен үшін,
Сіз күлгенде күллі дүние күлетін.
Көрген сәттен жырлар қағып қанатын,
Көңілімде мың сан шырақ жанатын.
Біз тұратын сол қалада кеш бата
Сіз жүргенде жолдар жарық болатын.
Сөзіңізді алаш тыңдап тұратын,
Сізді көру болып жалғыз мұратым
Жүргенімде сағыныштан оңаша,
Жүрегімде мөлдір бұлақ тұнатын.
Осы сырды ақтара алмай ешкімге,
Осы өлеңді жаздым сірә, кеш мүлде.
Сол жымиған сәбидей пәк қалпыңда
Жүрегімнің түпкірінен өштің бе?