13.05.2022
138
![](/uploads/shorttexts/author_image/f-1563240455536.jpg)
Аруларға алыстан ат арылған...
Аруларға алыстан ат арылған,
Сенің бітпес серілік сапарыңнан
Шүберекке түйіп-ап қу жанымды,
Талай таңды атырғам қатарынан.
Күн де талай бататын күй ақтарып,
Ай да талай туатын қияқтанып,
Сен шалдығып жетуші-ең "қыз қуудан"
59
Біздің үйдің жалғызы сияқтанып.
Қызғанбадым, қыз тартып алады-ау деп,
Анаңдай тек қуандым аман-ау деп.
Жастығы өтіп барады, ойнап-күлсін,
Ат айналып қазығын табады-ау деп.
Жақсы өмірді күтумен ертеңімнен,
Жаңылмадым, жазбадым сол сенімнен.
Енді маған сағынып сыр айтасың,
Жастығымды ұрлаған серке күннен.
Ерке күнді, ой, сол бір серке күнді
Есіңе алып жазасың "ертегіңді".
Мен отырмын төзімнен шаш ағарып,
Жары болып жігіттің ер көңілді.